Við bjóðum fyrirtækjum og stofnunum að leigja persónuverndarfulltrúa. Allar stofnanir og mörg fyrirtæki þurfa að skipa persónuverndarfulltrúa, en þau fyrirtæki eða stofnanir sem geta ekki haft slíkan fulltrúa geta leigt/úthýst embætti persónuverndarfulltrúa til TRS.

Hvern má tilnefna sem persónuverndarfulltrúa?

• Aðili sem hefur ekki hagsmuna að gæta innan fyrirtækisins.
• Þarf að geta tekið sjálfstæðar ákvarðanir.
• Aðilinn má helst ekki vera stjórnandi fyrirtækis eða stofnunar.
• Þekking á lögum og framkvæmd persónuverndarlaga þarf að vera til staðar.
• Þekkingu á tækni og upplýsingakerfum er nauðsynleg.

Verkefni persónuverndarfulltrúa

Persónuverndarfulltrúi sinnir eftirliti með reglufylgni, aðstoðar ábyrgðaraðila og eða vinnsluaðila. Til að fylgja persónuverndarreglugerðinni þarf fulltrúinn sérstaklega að:

• safna upplýsingum til að greina vinnslustarfsemi,
• greina og fylgjast með reglufylgni í starfseminni,
• upplýsa, ráðleggja og koma á framfæri tillögum til ábyrgðaraðila eða vinnsluaðila.

Persónuverndarfulltrúinn kemur einnig að ákvörðunum um:

• hvort meta eigi áhrif á persónuvernd,
• hvaða aðferð eigi að beita við matið,
• hvort matið eigi að fara fram innanhúss eða hvort útvista eigi verkefninu,
• hvaða tæknilegu og skipulagslegu öryggisráðstafanir þurfi að gera til að draga úr áhættu fyrir réttindi og frelsi hinna skráðu.